წონასწორობის განტოლებათა სისტემების მიღება ორგვარი ფოროვნების მქონე დამრეცი გარსებისათვის და ფირფიტებისათვის

ავტორი: ბაკურ გულუა
თანაავტორები: რომან ჯანჯღავა
ანოტაცია:

მოხსენებაში განხილულია ორგვარი ფოროვნების მქონე სხეულების სტატიკური წონასწორობის სამგანზომილებიანი განტოლებათა სისტემა. აღნიშნული განტოლებათა სისტემიდან, ი. ვეკუას რედუქციის მეთოდის გამოყენებით, მიღებულია წონასწორობის განტოლებები ორგვარი ფოროვნების მქონე დამრეცი გარსებისათვის. შემდგომ უფრო დაწვრილებითაა განხილული მუდმივი სისქის ფირფიტების შემთხვევა. სახელდობრ, N=0 და N=1 მიახლოებებისათვის მიღებული განტოლებათა სისტემები ჩაწერილია კომპლექსური სახით და მათი ზოგადი ამონახსნები წარმოდგენილია კომპლექსური ცვლადების ანალიზური ფუნქციებისა და ჰელმჰოლცის განტოლებათა ამონახსნების საშუალებით. მიღებული ზოგადი წარმოდგენები საშუალებას იძლევიან ამოიხსნას სასაზღვრო ამოცანები ორგვარი ფოროვნების მქონე მუდმივი სისქის ფირფიტების დრეკადი წონასწორობის შესახებ.