2-(ბენზილსულფინილ) ბენზამიდის ენანტიოსელექტიური ადსორბცია ცელულოზა ტრის(4-ქლორ-3-მეთილფენილკარბამატზე) და მის საფუძველზე მომზადებულ ქირალურ სტაციონალურ ფაზაზე

ავტორი: თამარ ხატიაშვილი
თანაავტორები: რუსუდან კაკავა, იზა მათარაშვილი
საკვანძო სიტყვები: ენანტიომერი, ენანტიოსპეციფიური, ქირალური სელექტორი, პოლიმერი
ანოტაცია:

ექსპერიმენტი ჩავატარეთ მაღალეფექტური სითხური ქრომატოგრაფის გამოყენებით. ექსპერიმენტის მიზანია ენანტიომერების პრეპარატული დაყოფის სწრაფი, იაფი და ეფექტური მეთოდის დამუშავება. ექსპერიმენტში გამოყენებული ნივთიერებაა 2-(ბენზილსულფინილ) ბენზამიდი. ექსპერიმენტში გამოვიყენეთ 3 ქირალური სელექტორი, ესენია: ცელულოზა ტრის(4-მეთილბენზოატი), ცელულოზა ტრის(4,5-დიმეთილფენილკარბამატი) და ცელულოზა ტრის(4-ქლორ-3-მეთილფენილკარბამატი). გამოვიყენეთ როგორც პოლიმერი, ასევე ადსორბენტი. პოლიმერი არის ქირალური სელექტორი, ხოლო ადსორბენტი არის ფართოფორებიანი სილიკაგელი, რომელზეც დაფენილია ამ პოლიმერის გარკვეული რაოდენობა. მოძრავ ფაზად გამოვიყენეთ აცეტონიტრილი და ნ-ჰექსანი/იზოპროპანოლი-70/30. საუკეთესო შედეგები მივიღეთ როცა გამოვიყენეთ: აცეტონიტრილი, როგორც მოძრავი ფაზა; ცელულოზა-1, როგორც ქირალური სელექტორი და სუფთა პოლიმერი. ასევე აღსანიშნავია რომ 0,5გ პოლიმერის გამოყენების დროს უკეთესი შედეგები მივიღეთ, ვიდრე 0,1-0,3გ-ის გამოყენების დროს. ჩვენი მიზანია: ადსორბციის მექანიზმების დადგენა და ენანტიოსპეციფიური, ანუ ისეთი პროცესის შემუშავება, რომელიც რაცემატის ხსნარიდან მხოლოდ ერთი ენანტიომერის გამოტანის საშუალებას მოგვცემს და მეორე სუფთა სახით დარჩება ხსნარში.